მარცხნივ! იქ, სადაც გულია

და გულწრფელია ფიქრები,

იქ, სადაც ფარსი ნულია

და გრძნობებია შიშველი,

სადაც ვერ შედის ბოროტი,

სადაც ფეთქვაა ღვთიური

სად სიკეთეა მხოლოდის,

სადაც სევდაა ხილული,

იქ, სადაც გტკივა მამული,

ორგულობა და ღალატი,

სადაც რწმენაა სათუთი

და სიყვარული მარადი,

იქ, სადაც წრფელი გულია,

იქ ბობოქრობენ გრძნობები,

მარცხნივ სავალიც რთულია

და იქ ვერ ივლის ყოველი.

----------

მარცხნივ! იქ, სადაც გულია!